Oralda kirisin jasyrǵan kompanııaǵa 68 mln teńge aıyppul salyndy
ORAL. QazAqparat - Oral qalasy mamandandyrylǵan ákimshilik soty «Satbor» JShS-na QR Ákimshilik quqyqbuzýshylyq kodeksiniń 278-baby 1-bólimine sáıkes jaýapkershilikke tartty, dep habarlaıdy «QazAqparat» HAA tilshisi.
Oblystyq sottyń baspasóz qyzmetinen túsken málimetke qaraǵanda, BQO boıynsha memlekettik kirister departamenti sheteldikterdiń qatysýymen qurylǵan «Satbor» JShS-nyń tarapynan munaı salasyn uıymdastyrýdan túsken túsimnen tys, 2011 jylǵy bonýs úshin salyqtyq esep deklaratsııasynda 454 mln astam teńgeni tómendetip kórsetý deregin anyqtady.
Sot atalǵan JShS-ny aıypty dep taýyp, salyq jáne basqa bıýdjetke mindetti tólemderdiń 15 paıyzy kóleminde 68,1 mln astam teńge ákimshilik aıyppul saldy.
