Oralda qylmys jıi tirkeletin kafeniń qyzmeti toqtatyldy
ORAL. KAZINFORM — «Zań men tártip» qaǵıdatyn iske asyrý aıasynda Oral qalalyq polıtsııa basqarmasy qoǵamdyq tártiptiń jaı-kúıine taldaý júrgizip, quqyq buzýshylyqtar jıi tirkeletin oıyn-saýyq oryndaryn anyqtady.
BQO polıtsııa departamentiniń baspasóz qyzmetinen málim etkenindeı, solardyń biri «Jeńis» shaǵynaýdanynda ornalasqan, tańǵy saǵat 06.00-ge deıin jumys isteıtin SKY kafesi ekendigi belgili boldy.
Jyl basynan beri atalǵan kafege túngi jáne tańǵy ýaqytta polıtsııanyń 102 qyzmetine 70-ke jýyq shaqyrtý túsken. Sonymen qatar dámhanada 10 qylmys, birneshe ákimshilik quqyq buzýshylyq tirkelgen.
Osy derekterdi eskere otyryp, Oral qalalyq polıtsııa basqarmasy tıisti organdarǵa birlesken tekserý júrgizý týraly usynys joldady.
- Nátıjesinde qalalyq tótenshe jaǵdaılar jáne sanıtarııalyq-epıdemıologııalyq baqylaý basqarmalarynyń ókilderimen birge tekserý júrgizildi. Sonyń barysynda birqatar zań buzýshylyq anyqtalyp, kafeniń qyzmeti toqtatyldy, - dep habarlady vedomstvodan.
Eske sala keteıik, budan buryn BQO-da «Jarııa» qoǵamdyq birlestigine qatysty alaıaqtyq boıynsha tergeý júrgizilip jatqanyn jazǵan edik.