Oralda «Kıa» avtobýspen soqtyǵysyp, 4 adam jaraqattandy
ORAL. QazAqparat - Oralda jeńil avtokólik avtobýspen soqtyǵysyp, tórt adam jaraqat aldy, dep habarlaıdy «QazAqparat» tilshisi.
Oqıǵa keshe saǵat 19.00-ge taman Dostyq dańǵyly boıyndaǵy «Saıahat» aıaldamasynda bolǵan. «Kıa» avtokóligi №43 baǵytta júretin avtobýspen túıisken. Sonyń saldarynan atalmysh avtobýs óziniń artynda turǵan №2 baǵytta júretin avtobýspen soqtyǵysqan.
Qazirgi kezde oqıǵanyń mán-jaıy anyqtalyp jatyr.
Oblystyq densaýlyq saqtaý basqarmasy basshysynyń orynbasary Gúlnár Ábdirahmanovanyń aıtýynsha, oqıǵa saldarynan 4 adam jaraqat aldy. Sonyń ishinde 2000 jylǵy jasóspirim oblystyq kópbeıindi balalar aýrýhanasyna, qalǵan eki adam oblystyq klınıkalyq aýrýhanaǵa jatqyzyldy.
