Oralda keıýana men nemeresin uryp-soqqan mas turǵyn ustaldy
BQO polıtsııa departamentiniń baspasóz qyzmetinen málim etkendeı, oqıǵa 21 tamyz kúni shamamen saǵat 20.20-da «Samal-3» shaǵynaýdanynda boldy.
Mas turǵyn zeınetker áıel men onyń nemeresine birneshe soqqy jasaǵan.
Sodan keıin oqıǵa ornynan boı tasalamaq bolǵan kezde túngi kezekshilikten keıin demalysta júrgen patrýldik polıtsııa batalonynyń ınspektory Talǵat Barasov á ıeldiń daýsyn estip, kúdiktini qýyp jetip, qolǵa túsirgen.
Sosyn áriptesterin kómekke shaqyrǵan. Dárigerler qaraǵannan keıin zardap shekken zeınetker men nemeresi úıine jiberildi.
«Osy qylmysqa kúdikti retinde 1994 jylǵy turǵyn ustaldy. Ol mas kúıinde buzaqylyq nıetpen 62 jastaǵy áıel men onyń jeti jasar ul nemeresine dene jaraqatyn salǵan. Qazirgi ýaqytta kúdikti Oral qalasy polıtsııa basqarmasynyń ýaqytsha ustaý ızolıatoryna qamaldy. Oǵan qatysty QR QK 293-baby 1-bóligine (buzaqylyq) sáıkes qylmystyq is qozǵalyp, tergeý amaldary júrgizilýde», dedi BQO polıtsııa departamenti bastyǵynyń orynbasary, polıtsııa polkovnıgi Talǵat Arynov.
Eske sala keteıik, budan buryn Oralda sorǵy stansasynda eki jumysshynyń qaza tabýyna baılanysy qylmystyq is qozǵalǵanyn jazǵan bolatynbyz