Oralda keıingi jyldary jer telimderin satýdan 1 mıllıardtan astam teńge túsken
ORAL. KAZINFORM – Oral qalasynda jer telimderi aýktsıon arqyly satylyp keledi.
Oral qalasy jer qatynastary bóliminen alynǵan málimetke qaraǵanda, 2020 jyly jalpy aýmaǵy 8,8 029 gektar 12 jer telimin aýktsıon arqyly satýdan 76 mln 302,140 myń teńge tústi.
Sondaı-aq 2021 jyly 1,6 659 gektar 19 jer telimi 86 mln 007,388 myń teńgege, 2022 jyly 20,9 251 ga 7 jer telimi 89 mln 585,406 myń teńgege, 2023 jyly 4,6145 ga 28 jer telimi 253 mln 246,134 myń teńgege, ótken jyly 4,63 ga 42 jer telimi 298 mln 268,401 myń teńgege, bıyl jyl basynan beri 2,7 799 ga 13 jer telimi 217 mln 517,650 myń teńgege ótken.
Osy kezeńde barlyǵy 43,4183 ga 121 jer telimi 1 mlrd 003 mln 866,425 myń teńgege satylǵan. Aýktsıondar ashyq elektrondyq formatta (www.gosreestr.kz) ótkizilip, árbir telim boıynsha qujattama aýktsıon hattamasyna sáıkes rásimdelgen.
– Kezekti aýktsıon 31 shilde kúni saǵat 10.00-de e-Qazyna.kz portalynda kommertsııalyq baǵyttaǵy obektiler qurylysy úshin jer ýchaskelerin jaldaý quqyǵyn satý boıynsha aǵylshyndyq ádispen ótkiziledi. Aýktsıonǵa Oral qalasy, Zachagan, Derkýl kentinen kommertsııalyq baǵyttaǵy 7 jer telimi usynylady. Aýktsıon qatysýshylaryn tirkeý aqparattyq habar jarııalanǵan kúnnen bastap júrgiziledi jáne aýktsıon bastalǵanǵa deıin 5 (bes) mınýt buryn aıaqtalady. Aýktsıon qatysýǵa ótinishter e-Qazyna.kz portalynda qabyldanady, - dep habarlady Oral qalasy ákimdiginen.
Eske sala keteıik, budan buryn Oralda «Aqjaıyq» shaǵynaýdany qalaı salynyp jatqanyn jazǵan edik.