Oralda kesh ótkizgen bloger 10 táýlikke qamaldy
ORAL. QazAqparat – Oralda kesh ótkizip, kóńil kótergen bloger Aıdyn Túsipov 10 táýlikke qamaldy, dep habarlaıdy QazAqparat tilshisi.
BQO sotynyń baspasóz qyzmetinen túsken málimetke qaraǵanda, karantınge qaramastan, tótenshe jaǵdaı talabyn buzǵan almatylyq bloger QR Ákimshilik quqyqbuzýshylyq kodeksiniń 476-baby 6-bóligine sáıkes aıypty dep tanyldy.
Sonymen qatar onyń eki dosy men meıramhana ıesine de osyndaı shara qoldanyldy.
Sot qaýlysy zańdy kúshine engen joq.
BQO polıtsııa departamenti baspasóz qyzmeti naqtylaǵanyndaı, bloger men onyń dostary Reseıden Qazaqstan aýmaǵyna 31 naýryz kúni Tasqala aýdany arqyly ótken.
Eske sala keteıik, budan buryn qazaqstandyq blogerdiń Oralda karantınge qaramastan, kesh ótkizgenin, blokpostty aınalyp, qashqan júrgizýshiniń ustalǵanyn jazǵan bolatynbyz.
