Oralda kempıngte órt bolyp, ottegi ballondary shyǵaryldy
ORAL. QazAqparat - Oral qalasynda «Hazar» kempınginde órt boldy, dep habarlaıdy QazAqparat tilshisi.
BQO TJ departamenti memlekettik órt baqylaý basqarmasynyń aǵa ınjeneri Saǵdat Ánestiń málim etkenindeı, oqıǵa 9 qańtar kúni Jáńgir han kóshesi 91-mekenjaıynda boldy.
Saǵat 03.14-te kempıng aýmaǵynda oryn tepken eki qabatty shınomontaj ǵımaratynda jeke zattar, plastıkalyq tereze ramalary, turmystyq tehnıkalar janyp ketti.
Órt aýmaǵy 44 sharshy metrdi qamtydy.
Órt sóndirýshilerdiń utymdy is-qımyly nátıjesinde oqıǵa ornynan 4 ottegi, 4 propan jáne freony bar 14 ballon (hladagent) shyǵaryldy.
«Tilsiz jaý» departament kúshimen (7 adam, 3 tehnıka) saǵat 04.38-de aýyzdyqtaldy.
Qazirgi kezde órttiń shyǵý sebebi, kelgen shyǵyn anyqtalý ústinde.
