Oralda qazaq kúresinen Qazaqstan chempıonatynda 470-ke jýyq balýan baq synap jatyr
ORAL. KAZINFORM — Oral qalasynda «Jaıyq arena» sport kesheninde qazaq kúresinen jastar arasynda Qazaqstan chempıonatynda eki kúnniń qorytyndysy boıynsha jeńimpaz-júldegerler belgili boldy.
Aıtýly dodaǵa Qazaqstannyń 17 oblysy men respýblıkalyq mańyzy bar úsh qaladan 2005–2007 jylǵy 468 balýan qatysyp, baq synap jatyr.
Jarystyń ashylý saltanatynda BQO Dene shynyqtyrý jáne sport basqarmasynyń basshysy Baqdáýlet Sábıtov, Qazaqstan qazaq kúresi qaýymdastyǵynyń bas dırektory Damır Bekbosynov jas sportshylarǵa sáttilik tiledi.
— Ulttyq sportty damytýǵa bárimiz de múddelimiz. Osy jarysta Batys Qazaqstan oblysynan birneshe jeńimpaz shyǵyp jatsa, álem nemese Azııa chempıonatyn ótkizýdi moınymyzǵa alamyz, — dedi B.Sábıtov.
Jarystyń alǵashqy kúni myna balýandar júldege ilikti.
Qyzdar:
60 kg
1.Aqbota Smatalı (Jetisý oblysy),
2.Aıarý Tileýbaeva (Qostanaı),
3.Juparkúl Іztaeva (Túrkistan),
3.Arýjan Seıitqasym (Túrkistan).
65 kg
1.Aıaýlym Balǵabaeva (Jambyl),
2.Sezim Óteýli (Jambyl),
3. Sabına Álibek (Shymkent),
3.Saıajan Ózbek (Jetisý).
70 kg
1.Aqbota Qydyráli (Túrkistan),
2.Gúlnur Rsynhan (Túrkistan),
3.Shuǵyla Maqsatqyzy (Almaty oblysy),
3.Darııa Zabılskaıa (BQO).
+70 kg
1.Nargız Orazbekova (Astana),
2.Lázzat Orazbek (Shymkent),
3.Sabına Qulymbetova (BQO),
3.Anel Ramazanova (Abaı).
Uldar:
90 kg
1.Erasyl Merjanov (Abaı),
2.Beıset Polsha (Qaraǵandy),
3.Shahnııaz Aǵybaev (Qostanaı),
3. Sabyrbek Kemelbek (Jambyl).
100 kg
1.Erdáýlet Qalmyrza (Túrkistan),
2.Elnar Janbolatuly (BQO),
3.Álimjan Qybyshev (Qaraǵandy),
3.Aıdar Ádiljan (Almaty oblysy).
+100 kg
1.Meıirhan Beısenáli (Túrkistan),
2.Oljas Bazarbaı (Shymkent),
3.Qajymuhan Tóre (Astana),
3.Erasyl Nurahmetov (Abaı).
Chempıonattyń ekinshi kúninde batysqazaqstandyq Elnara Anarbekqyzy jergilikti jankúıerlerdi qýantyp, jeńis tuǵyryna kóterildi.
Sonymen, ekinshi kúnniń qorytyndylary mynadaı boldy.
Qyzdar:
44 kg
1.Jansaıa Tadjımova (Qyzylorda),
2.Qaraqat Rahybaı (Jetisý),
3.Sholpan Altynbek (Túrkistan),
3.Baqyt Ómirbekova (Abaı).
48 kg
1.Elnara Anarbekqyzy (BQO),
2.Tomırıs Toqmurzına (Astana),
3.Tomırıs Rahmetova (Jambyl),
3.Kámıla Altybaıqyzy (Mańǵystaý).
52 kg
1.Alıra Shegelekova (Abaı),
2.Sandýǵash Temirbek (Aqmola),
3. Evelına Baeva (Qostanaı),
3.Gúlnaz Kákenova (Ulytaý).
56 kg
1.Gúlnaz Ómirbek (Túrkistan),
2.Sezim Salamat (Mańǵystaý),
3.Mádına Madııarqyzy (Aqmola),
3.Anel Amangeldınova (Abaı).
Uldar:
72 kg
1.Erasyl Baqdáýlet (Jambyl),
2.Nurjol Baqythanuly (Pavlodar),
3.Asar Samatuly (Aqtóbe),
3.Danıl Knestıkov (Qaraǵandy).
78 kg
1.Bekzat Maqsutov (Abaı),
2.Mansur Temirhan (Jambyl),
3.Dárýseıthan Temirhan (Túrkistan),
3.Álı Dúısenbaı (Almaty oblysy).
84 kg
1.Sultan-Beıbarys Qaıratuly (Abaı),
2.Álı Álimbı (Jambyl),
3.Serijan Saǵıev (Ulytaý),
3.Baýyrjan Shaıhyslam (Shymkent).
16 sáýir kúni qalǵan salmaq dárejeleri jáne «Túıe balýan» sanaty boıynsha jeńimpazdar anyqtalady.
BQO qazaq kúresi qaýymdastyǵynyń prezıdenti Áset Sultanulynyń aıtýynsha, chempıonat básekelestiktiń kúsheıe túskenin kórsetti.
— Túrkistan, Jambyl, Abaı oblystarynda qazaq kúresi mektebi áýelden qalyptasqan. Birqatar óńirlerde kúrestiń kenjelep qalǵany jasyryn emes. Maqsat — ulttyq sport deńgeıin kóterý. Bıyl qazaq kúresinen eresekter arasynda álem chempıonaty Úndistan astanasy Delıde ótti. Degenmen Delıde keıbir sebepterge baılanysty jasóspirimder men jastar arasynda ótkize almadyq. Bolashaqta sonyń ornyn toltyrsaq pa deımiz. Memleket basshysy, Týrızm jáne sport mınıstrligi tarapynan ulttyq sport túrlerine barynsha kóńil bólinip jatyr. Astanada ótken Dúnıejúzilik kóshpendiler oıyndary — sonyń dáleli, — dedi Á.Sultanuly.
BQO qazaq kúresinen qyzdar quramasynyń aǵa jattyqtyrýshysy Farıd Sapıev Qazaqstan chempıonatynda batysqazaqstandyq balýandardyń da qýanyp jatqanyn jetkizdi.
— 48 keli salmaqta úzdik shyqqan Elnara Anarbekqyzy jastar arasynda alǵash ret el chempıony atanyp otyr. Erlan Ońalov jattyqtyratyn Elnara buǵan deıin jasóspirimder arasynda sambodan Qazaqstan chempıony bolǵan edi. Sol sııaqty ózimniń tól shákirtterim — Darııa Zabılskaıa men Sabına Qulymbetova júldegerler qatarynan kórindi, — dedi F.Sapıev.
Eske sala keteıik, budan buryn Zeınep Baıanovanyń armany olımp shyńyn baǵyndyrý ekendigi týraly aıtqanyn jazǵan bolatynbyz.