Oralda qazaq kúresinen «Oral barysy» jarysy márege jetti

ORAL. QazAqparat - Búgin Ulystyń uly kúni - Naýryz merekesine oraı Qadyr Myrza Álı atyndaǵy mádenıet jáne óner ortalyǵynyń amfıteatrynda qazaq kúresinen «Oral barysy» jarysy márege jetti, dep habarlaıdy «QazAqparat» HAA tilshisi.

Saıysty uıymdastyrǵan ári onyń bas tóreshisi Artýr Sherǵalıevtiń aıtýynsha, dástúrli jarysqa Oral qalasynan barlyǵy 12 palýan qatysyp, baq synady. Qorytyndysynda Baqtııar Ibragımov jeńimpaz atanyp, 50 myń teńge kólemindegi aqshalaı syılyqqa ıe boldy. Ekinshi orynǵa kóterilgen Suńǵat Mahambetovke dombyra, úshinshi júldeni enshilegen Damır Ramazanovqa qamshy tabys etildi.

Endi B.Ibragımov pen S.Mahambetov aldaǵy sáýir aıynda ótetin «BQO barysyna» qatysyp, «Qazaqstan barysy» týrnıriniń joldamasyn ıelený úshin kúsh salady.