Oralda qaıyrymdylyq balynan túsken 3 mln teńge kirisi az otbasylarǵa taratyldy
ORAL. QazAqparat - Jańa jyl merekesine oraı Batys Qazaqstan oblysy ákimdiginiń qaıyrymdylyq baly ótti, dep habarlaıdy «QazAqparat» HAA tilshisi.
Merekelik keshke óńir basshylyǵy, aýdan ákimderi, basqarma basshylary, máslıhat depýtattary men óńirdegi orta jáne shaǵyn bıznes ókilderi qatysty.
Oblys ákimi Altaı Kólginov jınalǵandardy Jańa jyl merekesimen quttyqtap, 2016 jyly Elbasy tapsyrmasyna sáıkes óńirde naqty jumystar atqarylǵanyn, sonymen qatar alda odan da bıik maqsat-mindetter turǵanyn atap ótti. Sonymen qatar bul sharaǵa qatysý arqyly qaıyrymdylyq isine úles qosyp otyrǵandyqtaryn jetkizdi.
Aıta keteıik, qaıyrymdylyq balynyń bılet qunynan túsken 3 mln. teńge 12 aýdan men oblys ortalyǵynda turatyn kirisi az jáne asyraýshysynan aıyrylǵan tolyq emes 100 otbasyǵa taratyldy. 
