Oralda qaıtarylǵan aktıvter qarajaty esebinen salynǵan jańa mektep ashyldy
ASTANA. KAZINFORM — Batys Qazaqstan oblysy Oral qalasynda daryndy balalarǵa arnalǵan oblystyq mamandandyrylǵan №8 mektep-lıtseıi saltanatty túrde ashyldy. Ol 1952 jyly salynǵan apatty mekteptiń ornyna salyndy. Bul týraly Úkimettiń baspasóz qyzmeti habarlady.
Joba Memleket basshysynyń tapsyrmasyna sáıkes, bilim berý jaǵdaıyn jaqsartý jáne sapaly bilimniń barshaǵa birdeı qoljetimdi bolýyn qamtamasyz etý maqsatynda júzege asyryldy.
Buǵan deıin Úkimet Arnaýly memlekettik qordan mektep qurylysyna 2,8 mlrd teńge bólgen edi.
Jańa ǵımarat 400 oqýshyǵa shaqtalyp salynǵan jáne balalardyń bilim alýyna barlyq jaǵdaı jasalǵan.
Memleket basshysynyń saıasatynyń arqasynda óńirlerde jańa mektepter ashylyp jatyr.
— 2018 jyly 320 oryndyq mektep ǵımaraty apatty dep tanyldy. Memleket basshysynyń saıasaty arqasynda sapaly bilim berý jolynda elimizdiń óńirinde kóptegen bilim ordasy qoldanysqa berildi. Sonyń biri — oblystyq daryndy balalarǵa arnalǵan № 8 mamandandyrylǵan mektep-lıtseıi. 2025 jyly zamanaýı talaptarǵa saı, kópqabatty 400 oryndyq ǵımarat qoldanysqa berildi. Bul oqýshylarymyz ben ata-analarymyz jáne ujym úshin úlken qýanysh. El Prezıdentine erekshe rızashylyǵymyzdy bildiremiz, — dedi daryndy balalarǵa arnalǵan № 8 mamandandyrylǵan mektep-lıtseıiniń dırektory Alıma Saýrova.
Jańa mektep zamanýı talaptarǵa saı.
— Búgin bizder úshin óte qýanyshty kún. Mektebimizdiń esigi aıqara ashyldy. Bilim ordasy zamanýı talaptarǵa saı, barlyq qural jabdyqtarmen qamtylǵan. Osyndaı jaǵdaı jasaǵan Memleket basshysy Qasym-Jomart Toqaevqa ata-analardyń atynan alǵysymyzdy bildiremiz, — dedi Oral qalasynyń turǵyny Anar Býrasheva.
Aıta ketelik Aqtóbe oblysyndaǵy aýyldarda qaıtarylǵan aktıvter esebinen jańa medıtsınalyq mekemeler ashylǵan edi.