Oralda káýaphana órtenip ketti
ORAL. QazAqparat - Búgin saǵat 06.03-te Ábilqaıyr kóshesi 74/1 mekenjaıynda, «Aıajan» saýda úıi mańyndaǵy káýaphana men býkmekerlik keńse ornalasqan bir qabatty ǵımarattyń órtenip jatqany jóninde málimet túsken, - dep habarlaıdy «QazAqparat» tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, órt 200 metr aýmaqty qamtyǵan. Ony sóndirýge 22 adam, 9 tehnıka jumyldyrylǵan. Saǵat 06.42-de «tilsiz jaýdyń» beti qaıtyp, 07.43-te tolyqtaı sóndirilgen. Zardap shekkender joq.
Qazirgi kezde órttiń shyǵý sebepteri, kináli adamdar, keltirilgen shyǵyn anyqtalý ústinde.
