Oralda qatty jelden terekter qulap, avtokólikterdi basyp qaldy
ORAL. QazAqparat – Oralda qatty jelden terekter qulap,avtokólikterdi basyp qaldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, 13 tamyz kúni keshkisin daýyl turyp, jańbyr jaýdy.
Jeldiń jyldamdyǵy sekýndyna 17 metrge deıin jetip, sonyń saldarynan saǵat 19.07-de A.Taımanov kóshesi 127-úıdiń aýlasynda terek «Reno Logan» jáne «Mıtsýbısı» avtokólikteriniń ústine qulady.
Saǵat 20.31-de A.Qusaıynov kóshesi 157-úıdiń aýlasynda terek taǵy bir avtokólikti basyp qaldy.
Abyroı bolǵanda, zardap shekkender joq.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Oral qalasy turǵyndarynyń taǵy sýsyz qalǵanyn jazǵan bolatynbyz.
