Oralda qatań rejımdegi túrmede kolledj ashylady
ASTANA. QazAqparat - Oraldaǵy qatań rejımdi túrmede kolledj ashylady, munda jazasyn óteýshiler dánekerleýshi men aǵash ustasynyń isin meńgerip shyǵady, dep habarlaıdy www.uralskweek.kz.
Kolledjdiń ashylýy 2017 jyldyń qyrkúıek aıyna josparlanǵan, dep habarlady 170/3 QM bastyǵynyń orynbasary Vasılıı Vızgalın.
«Qazir biz bilim berý basqarmasymen birigip jumys jasaýdamyz, - dedi Vızgalın. - Olar kolledjge ustazdardy jiberse, biz - qajetti materıaldarmen qamatamasyz etemiz».
Vızgalınniń sózine qaraǵanda, kolledjdi ashýǵa eshqandaı qosymsha qarjy jumsalmaǵan. Sebebi, kolonııany salǵan ýaqytta kolledjdiń ashylýy qarastyrylǵan eken.
Eske sala keteıik, 900 adamǵa arnalǵan qatań rejımdegi kolonııanyń irgesi 2016 jyly Oral qalasynda qalanǵan edi. Kolonııanyń qurylysy túrli sebeptermen 10 jylǵa sozyldy. 2016 jyldyń sońynda atalmysh mekemeni salǵan fırmanyń burynǵy basshysy Rýslan Shýnaev bıýdjettik qarjyny jymqyrǵanyn moıyndaǵan.
