Oralda kásipkerlerden aqsha bopsalaǵan 8 adam ustaldy

ASTANA. KAZINFORM —  10 maýsymda Oral qalasynda Ulttyq qaýipsizdik komıteti kásipkerlerden aqsha bopsalady degen kúdikpen toptyń áreketiniń jolyn kesti. Bul týraly UQK baspasóz qyzmeti habarlady. 

— 8 qazaqstandyq ustaldy, ekeýi sottyń sanktsııasymen qamaýǵa alyndy, — delingen UQK habarlamasynda.

Bul tulǵalardyń áreketteri aımaqtyń kommertsııalyq is-áreketine qatysýshylaryna teris áser etken.

Tintý barysynda iri kólemde aqsha men ózge de zattaı dáleldemeler tárkilengen. Qylmystyq kodekstiń 194-baby boıynsha sotqa deıingi tergeý júrgizilip jatyr.

Qylmystyq-protsestik kodekstiń 201-babynyń 1-tarmaǵyna sáıkes ózge aqparat jarııa etýge jatpaıdy.

Aıta ketelik Túrkistan oblysynda kolledj stýdentin óltirý kúdigimen sheteldik ustalǵan edi.