Oralda kásiporyn basshysy «Nurly jer» boıynsha bólingen qarjyny jymqyrdy degen kúdikke ilindi

NUR-SULTAN. QazAqparat - Oral qalasynda kásiporyn basshysy memlekettik baǵdarlama boıynsha bólingen 143 mln. teńgeden astam qarajatty jymqyrǵan.

Bul týraly QR Qarjy mınıstrligi Qarjy monıtorıngi komıtetiniń baspasóz qyzmetinen málim boldy, dep habarlaıdy QazAqparat.

Komıtettiń baspasóz qyzmetine taratqan aqparatqa qaraǵanda, QR QM Qarjy monıtorıngi komıtetiniń Batys Qazaqstan oblysy boıynsha Ekonomıkalyq tergeý departamentiniń qyzmetkerleri oblys kásioryndary biriniń dırektory QR QK 189-b. 4-b. 2-t., 245-b. 3-b. qarastyrylǵan qylmystyq quqyq buzýshylyqtardy jasaǵany úshin kúdikti retinde ustalyp, qamaýǵa alyndy (QR QPK 128-b. sáıkes).

Ustalǵan adam memlekettik satyp alýlarǵa qatysa otyryp, «Nurly jer» memlekettik baǵdarlamasy sheńberinde turǵyn úıdi salýǵa bólingen 143 mln. teńgeden astam bıýdjet qarajatyn jymqyrǵan.

«Sondaı-aq, aıyptalýshy 2017-2018 jyldar aralyǵynda 1,5 mlrd. teńgeden astam somaǵa salyqtardy tóleýden jaltarǵan. Tergeý amaldary jalǵasýda»,-delingen QR QM QMK Baspasóz qyzmetitaratqan aqparatta.