Oralda káriz kollektoryndaǵy apatqa baılanysty kóshe joly jabyldy

ORAL. KAZINFORM – Oral qalasynda S.Tıýlenın kóshesi men Ábilqaıyr han dańǵyly qıylysynda ornalasqan dıametri 600 mm (temirbeton) káriz kollektorynda bolǵan apatqa baılanysty qalpyna keltirý jumystary júrgizilip jatyr. 

«Batys sý arnasy» JShS-nyń baspasóz qyzmetinen málim etkenindeı, osyǵan oraı Ábilqaıyr han dańǵylynyń Ý.Gromova kóshesinen bastap Jeltoqsan kóshesine deıingi aralyǵy ýaqytsha jabyldy.

– Barlyq kólik túriniń qozǵalysyna shekteý qoıyldy. Qazirgi ýaqytta apatty joıý maqsatynda paıdalanýshy uıym daıyndyq jáne uıymdastyrý jumystaryn júrgizip jatyr, - dep habarlady vedomstvodan. 

Mekemeniń habarlaýynsha, sonymen qatar Soltústik-shyǵys-2 shaǵynaýdanynda dıametri 100 mm ysyrmany aýystyrý jumystary júrgizilýde. Soǵan baılanysty atalmysh shaǵynaýdanda 27, 9, 17, 17/1-úıde, № 26 «Tulpar» jáne № 20 «Balbóbek» balabaqshasyna salqyn sý berý toqtatyldy. Mundaǵy jumys shamamen búgin saǵat 16.00-ge deıin jalǵasady. 

Eske sala keteıik, budan buryn Oral qalasyndaǵy sorǵy stantsııasynda apatty jaǵdaı bolǵanyn jazǵan edik.