Oralda qarýdy durys saqtamaǵan burynǵy ákimge úkim shyqty
ORAL. QazAqparat - Oralda úıinde jasóspirimge oq atylǵan burynǵy ákimge qatysty úkim shyqty, dep habarlaıdy QazAqparat tilshisi.
Oral qalalyq sotynan túsken málimetke qaraǵanda, Qaıyrǵalı Imashev QR QK 289-babyna (atys qarýyn uqypsyz saqtaý) sáıkes aıypty dep tanylyp, oǵan 120 AEK kóleminde 288,6 myń teńge aıyppul salyndy.
Q.Imashev saqtyq jasamaı, qarý men oq-dári saqtalǵan seıftiń kiltin qoljetimdi jerge qaldyryp, óziniń jeke sharýalarymen ketip qalǵan.
Sol kúni Q.Imashevtiń ulyna qonaqqa kelgen kámeletke tolmaǵan Ersaıyn A. qolyna qarýdy birinshi ret ustaǵandyqtan, ony qalaı qoldanatyndyǵyn bilmegendikten, abaısyzda shúrippesin basyp qalǵan. Oq taǵy bir jasóspirim E.Erǵarınniń moınyna tıgen. Sonyń saldarynan aýyr jaraqat alyp, julynyna zaqym kelgen E.Erǵarın oblystyq kópbeıindi balalar aýrýhanasyna jetkizilip, jansaqtaý bólimine jatqyzylǵan.
Eske sala keteıik, budan buryn úıinde jasóspirimge oq atylǵan Bórli aýdanynyń burynǵy ákimi Q.Imashevqa qatysty istiń qaralyp jatqanyn jazǵan bolatynbyz.
