Oralda karateden Mánshúk Mámetovany eske alýǵa arnalǵan halyqaralyq týrnır ótedi

ASTANA.KAZINFORM – 15-18 mamyr kúnderi Oral qalasynda WKF karateden Keńes Odaǵynyń batyry Mánshúk Mámetovany eske alýǵa arnalǵan H halyqaralyq «Akzhayk Open» týrnır ótedi. 

Qazaqstan WKF karate federatsııasynyń habarlaýynsha, atalǵan týrnır jasóspirimder, jastar men eresekter arasynda uıymdastyrylady.

Sondaı-aq, bul týrnır jastar men kadetter arasyndaǵy Azııa chempıonatyna irikteý básekesi bolyp sanalmaq.

Dástúrli halyqaralyq týrnırde Qazaqstan, Qyrǵyzstan, Ázerbaıjan, Ózbekstan, Grýzııa, Reseı Federatsııasy jáne Túrkııadan kelgen myńǵa jýyq sportshy baq synaıdy.

Týrnırde sportshylar kate jáne kýmıto boıynsha ózara myqtylardy anyqtaıdy.

Aıta keterligi, jarys tańǵy saǵat 09:00 men keshki 19:00 arasynda, «Jaıyq Arena» sport kesheninde ótedi. Týrnırdiń saltanatty ashylý rásimi 16 mamyrǵa josparlanǵan.

Eske salaıyq, osyǵan deıin oral qalasynda jasóspirimder, kadetter jáne ardagerler arasynda karateniń WKC/FW túrinen ІІ Azııa chempıonaty ótkenin habarlaǵan edik.