Oralda qaraqshylar tal túste nesıe beretin kassırdi tonap ketti
ORAL. QazAqparat – Oralda qaraqshylar tal túste nesıe beretin kassır áıeldi tonap ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 1 maýsym kúni S.Tıýlenın kóshesi boıynda boldy.
Saǵat 13.20-da kópqabatty úıdiń astynda ornalasqan shaǵyn nesıe pýnktine jasy 20-25-terdegi belgisiz ekeýdiń basyp kirip, tonap ketkeni jóninde 102 telefonyna qońyraý shalynǵan.
Qaraqshylar pyshaqqa uqsas zatpen qorqytyp, kassır áıeldiń 60 myń teńgesin ashyqtan-ashyq tartyp alyp, taıyp turǵan.
Degenmen 10 mınýttan keıin Oral qalasy polıtsııa basqarmasy patrýldik polıtsııa batalonynyń qyzmetkerleri A.Shýlımov pen A.Baqytjanov kúdiktiniń birin qolǵa túsirdi. Ol Atyraý qalasynyń 1996 jylǵy turǵyny bolyp shyqty. Odan zattaı aıǵaqtar men pyshaq tárkilendi.
Kóp uzamaı ekinshi kúdikti de ustaldy.
Qazirgi kezde QR QK 192-baby 2-bóligine (qaraqshylyq) sáıkes sotqa deıingi tergeý amaldary bastaldy.
Eske sala keteıik, budan buryn Oralda kishkentaı balanyń 5-qabattan qulap ketkenin jazǵan bolatynbyz.
