Oralda «KamAZ» velosıped mingen adamdy qaǵyp ketti
ORAL. QazAqparat - Oralda «KamAZ» kóligi velosıped mingen adamdy qaǵyp ketti, dep habarlaıdy QazAqparat tilshisi.
Oblystyq densaýlyk saqtaý basqarmasynyń baspasóz qyzmetinen túsken málimetke qaraǵanda, oqıǵa keshe keshkisin Melovye gorkı baǵytyndaǵy jolda bolǵan.
Jedel járdem saǵat 19.05-te shaqyrylǵan. Jedel járdem kóligi 5 mınýttan keıin jetkenimen, 23 jastaǵy azıat pishindes er adam oǵan deıin kóz jumǵan.
Qazirgi kezde oqıǵanyń jaı-japsary anyqtalý ústinde.
Eske sala keteıik, bul - Oralda bolyp otyrǵan osyndaı ekinshi oqıǵa. Budan buryn jeńil avtokólik qaǵyp ketken velosıped mingen er adamnyń qaza tapqanyn jazǵan bolatynbyz.
