Oralda qaldyq sýdy zańsyz tógýshiler azaıar emes
ORAL. QazAqparat - Oralda reıdtik sharalar kezinde jol-patrýldik polıtsııa qyzmetkerleri qalalyq beıit mańynda «GAZ-5312» assenızatorlyq avtokóligi júrgizýshisiniń qaldyq sýdy káriz qudyǵyna zańsyz tókkendigin anyqtady, dep habarlaıdy «QazAqparat» HAA tilshisi.
Oral qalalyq ishki ister basqarmasy jergilikti polıtsııa qyzmetiniń ınspektory, polıtsııa kapıtany Dınara Ábdilqalyqovanyń aıtýynsha, atalǵan júrgizýshige QR Ákimshilik quqyqbuzýshylyq kodeksi 505-babyna sáıkes (qala men eldi mekender aýmaqtaryn abattandyrý qaǵıdalaryn buzý, sondaı-aq qala men eldi mekenderdiń ınfraqurylym nysandaryn buzý, jasyl ekpelerin joıý jáne búldirý) 20 AEK kóleminde 45380 teńge ákimshilik aıyppul salyndy.
«Jyl basynan beri qalada osyndaı bes quqyqbuzýshylyq tirkeldi, olardyń bári de ákimshilik jaýapkershilikke tartyldy», dedi «QazAqparat» tilshisine D.Ábdilqalyqova.
