Oral qalasynyń birneshe shaǵyn aýdanynda salqyn sý berý toqtatyldy

ORAL. KAZINFORM — Oral qalasyndaǵy Zachagan kentinde 39-kóterińki sorǵy stansasynda keri klapandy aýystyrý jumystary júrgizilip jatyr.

«Batys sý arnasy» JShS-dan málim etkenindeı, osyǵan baılanysty búgin saǵat 14.00-den bastap «Arman», «Kóktem», «Sarytaý», «Qazaq aýyl», SMP, BQATÝ, «Jaqsy aýyl», «Ǵalymdar aýyly», Qus fabrıkasy, Avtotson shaǵynaýdandaryna, M.Móńkeuly kóshesi boıyndaǵy jeke jáne kópqabatty úılerge salqyn sý berý toqtatyldy. 

Sý qubyryndaǵy apatty joıý jumystary saǵat 18.00-ge deıin atqarylmaqshy. 

Oǵan qosa 4-shaǵynaýdanda eki órt gıdranty aýystyrylýda. Osyǵan oraı 4-shaǵynaýdandaǵy № 25, 26, 26/1, 30, 31-úılerde salqyn sý saǵat 18.00-ge deıin bolmaıdy. 

Eske sala keteıik, budan buryn Oral qalasynda 800-ge jýyq abonenttiń ystyq sýsyz qalǵanyn jazǵan edik.