Oralda qalanyń bas josparyna qatysty shý shyqty: ákim orynbasaryna sógis berildi

ORAL. KAZINFORM — Oral qalasynda bas jospardy túzetý jobasyna qatysty shyqqan shýǵa oraı tıisti shara qoldanyldy. 

Kazinform budan buryn jazǵanyndaı, qoǵamdyq tyńdalym kezinde ákimdik saıtynda júktelgen jobalyq materıaldarda Oral emes, kóbinese Qaraǵandy men Semeı qalalarynyń derekteri jarııalanyp ketkeni aıtylǵan edi.

Qala turǵyny Danıl Makatýhanyń málim etkenindeı, barlyq esep Oralǵa esh qatysy joq derekter negizinde jasalǵan. Sondaı-aq atalǵan bas jospar jobasy úshin jobalaýshy mekemege 250 mln teńge tólengeni belgili boldy.

Oral qalasy ákimdiginen alynǵan málimetke qaraǵanda, sol kezdegi jaýapty arhıtektýra mamany qazirgi ýaqytta jumys istemeıdi. Sondyqtan oǵan tártiptik shara qoldaný múmkin bolmady.

— Sógis Oral qalasy ákiminiń orynbasary Azamat Halelovke berildi, — dep habarlady ákimdiktiń baspasóz qyzmetinen.

Eske sala keteıik, budan buryn Oralda bas jospardy túzetý jobasyna qatysty shý shyqqanyn jazǵan edik.