Oralda qalalyq sot pen gazet redaktsııasyna bomba qoıylǵany týraly habar túsken

ORAL. QazAqparat – Oralda qalalyq sot pen gazet redaktsııasyna bomba qoıylǵany týraly jalǵan habar túsken, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵa 7 sáýir kúni keshkisin boldy.

Saǵat 18:26 men 21:30 aralyǵynda Oral qalalyq soty men «Moı gorod» gazetiniń elektrondy poshtasyna («[e-mail]») [e-mail] elektrondy mekenjaıynan hat túsken.

Onda Andreı Petrov degen shahıdtiń atalǵan ǵımarattarda 100 kg trotıl qoıǵany, kóp uzamaı jarylatyny aıtylǵan.

«Atalǵan derekter boıynsha materıaldar Abaı polıtsııa bóliminiń biryńǵaı tiziliminde tirkeldi. BQO polıtsııa departamenti jedel tergeý tobynyń qyzmetkerleri atalǵan nysandardy teksergen kezde jarylǵash zat tabylǵan joq. Qyzmetkerlerdi evakýatsııalaý júrgizilmedi. Qazirgi kezde kúdiktilerdi izdestirý jumystary júrgizilýde. BQO polıtsııa departamenti QR QK 274-babyna (kórineý jalǵan aqparat taratý) sáıkes aıypty dep tanylǵan adamnyń bir myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne tórt júz saǵatqa deıingi merzimge qoǵamdyq jumystarǵa tartýǵa ne bir jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanatynyn eske salady», dep habarlady vedomstvodan.