Oralda qalalyq ishki ister basqarmasynyń eki laýazymdy qyzmetkeri ustaldy
ORAL. QazAqparat - Oralda qalalyq ishki ister basqarmasynyń qos birdeı laýazymdy qyzmetkeri ustaldy, dep habarlaıdy QazAqparat tilshisi.
QR Іshki ister mınıstrliginiń resmı ókili Almas Sadýbaevtyń málim etkenindeı, keshe BQO ishki ister departamenti ózindik qaýipsizdik basqarmasynyń qyzmetkerleri eki laýazymdy qyzmetkerdi qolǵa túsirdi. Olar kúdiktini qylmystyq jaýapkershilikke tartamyn dep qorqytyp, 240 myń teńge aqsha alǵan.
BQO ishki ister departamenti ózindik qaýipsizdik basqarmasynyń bastyǵy Edık Bolatov bul oqıǵany rastap, kúdiktilerge qamaý sharasy qarastyrylyp jatqanyn aıtty. Sonymen qatar naqty málimet prokýratýramen kelisilgennen keıin beriletinin jetkizdi.
