Oralda kadr máselesine arnalǵan jıyn boldy
ORAL. 7 qyrkúıek. QazAqparat - QR Memlekettik qyzmet isteri agenttiginiń tapsyrmasyna sáıkes keshe oblystyq máslıhattyń kishi zalynda óńirdegi jergilikti atqarýshy memlekettik organdarynyń jáne aýmaqtyq basqarmalar men departamentteriniń birinshi basshylarynyń qatysýymen kadr máselesine arnalǵan jıyn boldy.
Jınalysty basqarma bastyǵy Ákimgereı Serǵalın ashyp, kadrlardy irikteýde oryn alatyn rýshyldyq, jershildik, qyzmetkerlerdiń almasýy, memlekettik tártiptiń saqtalýy máseleleri tóńireginde aýqymdy baıandama jasady. Sonymen qatar basqarma bastyǵy memlekettik qyzmettiń jańa modeliniń tujyrymdamasyna sáıkes memlekettik qyzmet salasyndaǵy Zań men zańnamaǵa engizilgeli jatyrǵan ózgerister men tolyqtyrýlar jaıynda tolyq túsinik berdi. Jınalysta oblystyq tekserý komıssııasynyń tóraǵasy Serik Tursynov, oblys ákimi apparatynyń basshysy Amangeldi Dáýletjanov jáne basqa qatysýshylar sóz sóılep, pikir almasty.
