Oralda kadetter arasynda taekvondodan el chempıonaty márege jetti
ORAL. QazAqparat - Oral qalasynda kadetter arasynda taekvondodan el chempıonaty márege jetip, jeńimpaz-júldegerler anyqtaldy, dep habarlaıdy «QazAqparat» HAA tilshisi.
BQO dene shynyqtyrý jáne sport basqarmasynan túsken málimetke qaraǵanda, batysqazaqstandyq sportshy Lıana Kýshkeeva 51 kg salmaqta ozyq shyǵyp, chempıon atandy. Ony BQO quramasynyń taekvondodan aǵa jattyqtyrýshysy Arslan Ordabaev jattyqtyrady.
Sondaı-aq óz salmaq dárejeleri boıynsha Arýjan Qaljanova (29 kg), Rıta Baqysheva (33 kg, ekeýi de Almaty qalasynan), Gaýhar Sansyzbaı (37 kg, Qyzylorda), Ajar Áýbákirova (41 kg, Almaty), Aıda Esenberdiqyzy (44 kg), ıAsmına Narbaeva (47 kg, ekeýi de Shymkentten), Aısha Beısenova (55 kg), Nurıza Turarova (59 kg, ekeýi de Almatydan), Ýlıana Chechet (+59 kg, Qaraǵandy) jeńis tuǵyryna kóterildi.
Kadet jasyndaǵy uldar arasynda Saıat Tórequl (33 kg, Taraz), Nurbek Ǵazez (37 kg, Almaty), Nurǵısa Amangeldi (41 kg, Aqtaý), Bekejan Amanjanov (45 kg, Atyraý), Bekjan Núsipáli (49 kg, Almaty), Dıas Srapılov (53 kg, Taldyqorǵan), Abdýrahman Marıpov (57 kg, Shymkent), Denıs Aqjolov (61 kg, Taldyqorǵan), Ersultan Baharam (65 kg, Qyzylorda), Ahmadı Nurhasym (+65 kg, Pavlodar) jeńimpaz atandy.
