Oralda iz-túzsiz joǵalyp ketken turǵynnyń denesi tabyldy
ORAL. QazAqparat – Oralda iz-túzsiz joǵalyp ketken turǵynnyń denesi tabyldy, dep habarlaıdy QazAqparat tilshisi.
BQO polıtsııa departamentiniń resmı ókili, polıtsııa polkovnıgi Bolatbek Belgibekovtiń aıtýynsha, 21 naýryz kúni saǵat 18.00-de «Drýjba» saıajaı qoǵamy aýdanyndaǵy shoıyn kópirdiń mańynan er adamnyń múrdesi tabyldy.
Ol 14 naýryz kúni Derkól aýylyndaǵy úıinen shyǵyp ketip, oralmaǵan 1989 jylǵy Asylbek Іńkárǵalıev bolyp shyqty.
Qazirgi kezde osy oqıǵaǵa baılanysty Abaı polıtsııa bólimi tergeý amaldaryn júrgizýde.
Eske sala keteıik, budan buryn Oralda 16 jastaǵy jasóspirimniń úsh kúnnen beri tabylmaı jatqanyn jazǵan bolatynbyz.
