Oralda iz-túzsiz ketken áıeldiń denesi ormannan tabyldy
BQO polıtsııa departamentiniń baspasóz qyzmeti málim etkendeı, 58 jastaǵy Dına Stanko bıylǵy 24 tamyzda shamamen saǵat 17.00-de úıinen shyǵyp ketkennen oralmaǵan bolatyn.
Ony izdestirýge qalalyq polıtsııa basqarmasynyń jeke quramy jumyldyryldy. Oraldaǵy beınebaqylaý kameralary qaralyp, turǵyndarǵa suraý salyndy.
Kýágerlerdiń sózinen áıeldiń Jelaev kenti jaqqa ketkeni belgili boldy. Ol mań da qaraldy.
Dúken qyzmetkeri, 1967 jylǵy turǵyn Jelaev kenti aýdanyndaǵy ormannan sańyraýqulaq jınap júrgen kezinde áıeldiń bas súıegi men múrde qaldyqtaryn tapty.
Polıtsııa departamentiniń málimetine qaraǵanda, súıek qaldyqtary sot-medıtsınalyq saraptamaǵa jiberildi.
Saraptama qorytyndysyna sáıkes ólimniń sebebi anyqtalady.
Marqumnyń týystary oqıǵa bolǵan jerden áıeldiń kıimderin tanydy.
Sonymen qatar áıeldiń sińlisi men onyń tisterin emdegen stomatologtarmen birge tisteri alynyp, zerdelendi.
Sol kezde joǵalǵan áıel men tabylǵan múrdeniń tisteri birdeı bolyp shyqty.
Eske sala keteıik, budan buryn BQO-da jol apatynan avtokólik ishinde eki adamnyń janyp ketkenin jazǵan bolatynbyz.
Sondaı-aq BQO-da ákeli-balaly ekeý balyq aýlap júrip, sýǵa batyp ketti.