Oralda iz-túzsiz ketken 31 jastaǵy er adam izdestirilip jatyr
ORAL. QazAqparat – Oralda iz-tússiz joǵalyp ketken er adam izdestirilip jatyr, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 1989 jylǵy Asylbek Orynbaıuly Іńkárǵalıev 14 aqpan kúni saǵat 15.00-de Derkól aýylyndaǵy úıinen shyǵyp ketkennen oralmaǵan.
Ony departamenttiń krımınaldyq polıtsııa basqarmasy izdestirýde.
Belgileri: boıy - 175 sm, aryqsha kelgen, shashy - qysqa, qara, murny tik.
Basyna qara bórik kıgen, ústinde kapıýshony bar qara kúrte, qaraqońyr-kók tústi djınsı shalbary bar, etigi de qara.
Eger A.Іńkárǵalıev týraly biletinder bolsa, 98-45-30, faks 8(7112)50-80-32, 8-775-717-11-19, 8-707-881-66-66 nemese 102 telefonyna habarlasqany jón.
