Oralda iz-túzsiz ketken 23 jastaǵy qyzdyń múrdesi tabyldy
ORAL. QazAqparat - Oralda joǵalǵan qyzdyń múrdesi tabyldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, 24 qyrkúıek kúni polıtsııa qyzmetkerleri 1995 jyly týǵan boıjetkendi óltirgen kúdikti retinde 1986 jylǵy er adamdy anyqtap, ustady.
Oral qalalyq ishki ister basqarmasy osy oqıǵa boıynsha QR QK 99-baby 1-bóligine sáıkes (kisi óltirý) sotqa deıingi tergeý amaldaryn júrgizýde.
Aıta keteıik, 23 jasar Karına Dýstanova 17 qyrkúıek kúni habar-osharsyz ketken. Sol kúni keshke ol Oraldan Aqsaıǵa barýǵa tıis edi, biraq sodan keıin baılanysqa shyqpaǵan. Karınany týma-týysqandary áleýmettik jeli arqyly da izdestirgen bolatyn.
