Oralda iz-túzsiz ketken 16 jasar stýdent tabyldy

ORAL. QazAqparat – Oralda joǵalyp ketken 16 jasar jasóspirim aman-esen tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkendeı, Nurıslam Saǵyndyqov jergilikti saǵat 19.45-te qalalyq mádenıet jáne demalys saıabaǵynda júrgen jerinen tabyldy.

«Atalǵan jasóspirim qydyryp júrgende, uıaly telefonynyń batareıasy otyryp qalǵan. Onyń ózimen jáne ata-anasymen áńgimelesý júrgizildi», dep habarlady vedomstvodan.

Osylaısha, búgin tańnan beri habarsyz ketken Nurıslam keshkisin tabyldy.

Eske sala keteıik, budan buryn Oralda joǵalyp ketken 16 jasar bozbalanyń izdestirilip jatqanyn jazǵan bolatynbyz.