Oralda iz-túzsiz ketken 15 jastaǵy jasóspirim tabyldy
ORAL. QazAqparat - Oralda joǵalǵan 15 jastaǵy jasóspirim tabyldy, dep habarlaıdy QazAqparat tilshisi.
Oblystyq polıtsııa departamentiniń baspasóz qyzmetinen túsken málimetke qaraǵanda, 2004 jylǵy Jandos Temirǵalıev 14 mamyr kúni saǵat 14.00 shamasynda Terekti aýdany Podstepnyı aýylyndaǵy №1 mektepten shyqqannan qaıta oralmaǵan bolatyn.
Іzdestirý sharalary barysynda jasóspirimdi bireýler 14 jáne 15 mamyr kúnderi Oraldaǵy qalalyq mádenıet jáne demalys saıabaǵy mańynda kórgeni belgili boldy.
«Jandosty búgin saǵat 13.00 shamasynda Terekti aýdany polıtsııa bóliminiń qyzmetkerleri sol saıabaq mańynan tapty. Qazirgi tańda onyń joǵalyp ketý sebepteri anyqtalyp jatyr», dep habarlady polıtsııa departamentiniń baspasóz qyzmetinen.
Eske sala keteıik, budan buryn Oralda joǵalyp ketken 83 jastaǵy qarııanyń múrdesi tabylǵan edi.
