Oralda iz-tússiz ketken áıel 6 kúnnen beri tabylmaı jatyr
ORAL. QazAqparat – Oralda joǵalyp ketken áıel adam alty kúnnen beri izdestirilip jatyr, dep habarlaıdy QazAqparat tilshisi.
Týysqandarynyń aıtýyna qaraǵanda, Ásemgúl Jumaǵulova 12 naýryz kúni A.Matrosov kóshesi 170-úıden saǵat shamamen 17.30-da shyǵyp ketken.
Ústine kók kúrte, qaraqońyr trıko kıgen.
Telefony aıyrýly. Buryn eshqaıda bulaı shyqpaǵan, qaıyrymdy, elgezek. Densaýlyǵynda kemistik bar.
Habaryn biletinder 102, 8-702-265-19-63, 8-777-514-49-59 telefonyna habarlasýy suralady.
BQO polıtsııa departamenti 1981 jylǵy turǵynnyń joǵalyp ketkenin rastady. Biryńǵaı tizilimge esepke alynǵan, qazirgi kezde izdestirý sharalary júrgizilýde.
