Oralda ıti balany qaýyp alǵan ıesine aıyppul salyndy
ORAL. QazAqparat - 16 sáýir kúni Oral qalalyq ishki ister basqarmasy Abaı polıtsııa bólimi jergilikti polıtsııa qyzmeti ýchaskelik polıtsııa ınspektoryna «Rodnık» saıajaı qoǵamy turǵynynan 2008 jylǵy ulyn ıt qaýyp alǵany jóninde habar túsken.
BQO ІІD baspasóz qyzmetiniń habarlaýynsha, atalǵan derek boıynsha ıttiń ıesi anyqtalyp, ol QR Ákimshilik quqyqbuzýshylyq kodeksiniń 408-baby 2-bólimine sáıkes ákimshilik jaýapkershilikke tartyldy. Sóıtip «ıti qarap júrmegen» turǵynǵa 10 AEK kóleminde aıyppul salyndy.
Eske sala keteıik, budan buryn 25 aqpan kúni qala tóńiregindegi Zelenov aýdany Mıchýrın aýylynda qabaǵan ıt alty jasar qyz balanyń qulaǵyn julyp alyp, onyń ıesine de ákimshilik aıyppul salynǵan bolatyn.
