Oralda iri qoımadan órt shyqty
ORAL. QazAqparat - Oralda iri qoımadan órt shyqty, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, saǵat 17.01-de Gagarın kóshesi 70-mekenjaıynda «Merkýrıı» saýda úıi aýmaǵynda qurylys materıaldary saqtalatyn jeke turǵan qoımadan (jalpy alańy 1300 sharshy metr) órt shyqqany jóninde habar túsken.
Órt aýmaǵy 800 sharshy metrdi qamtydy.
Zardap shekkender joq.
Saǵat 17.26-da arnaıy shtab quryldy.
«Tilsiz jaýdy» aýyzdyqtaýǵa TJ departamentinen 54 qyzmetker, 15 tehnıka jumyldyryldy.
Eske sala keteıik, budan buryn BQO-da túıisken eki júk kóligi órtenip, 2 adam, 39 jylqy janyp ketkenin jazǵan bolatynbyz.
Sondaı-aq búgin avtokólik jylqyǵa soqtyǵysyp, bir otbasydan úsh adam qaza tapty.
