Oralda iri kólemde esirtki tasymaldaǵandar sottaldy
ORAL. QazAqparat - Oralda iri kólemde esirtki tasymaldaǵandarǵa qatysty sot úkimi shyqty, dep habarlaıdy QazAqparat tilshisi.
BQO qylmystyq ister jónindegi mamandandandyrylǵan aýdanaralyq sotynan túsken málimetke qaraǵanda, Serik Qanatov, Galıb Abbasov jáne ıÝrıı Sergeev uzaq merzimge bas bostandyqtarynan aıyryldy.
Atap aıtqanda, S.Qanatov QR QK 297-baby 3-bóligi 1, 2, 3-tarmaqtaryna sáıkes aıypty dep tanylyp, 11 jylǵa bas bostandyǵynan aıyrý jazasyn qaýipsizdigi joǵary qylmystyq-atqarý júıesi mekemesinde óteýge kesildi. Ol sonymen qatar nashaqorlyqtan májbúrli túrde emdeletin bolady.
QR QK 297-baby 3-bóligi 1-tarmaǵyna sáıkes aıypty dep tanylǵan G.Abbasov 10, ıÝ.Sergeev 7 jylǵa bas bostandyqtarynan aıyryldy. Bular da jazasyn qaýipsizdigi joǵary qylmystyq-atqarý júıesi mekemesinde óteıdi.
Sot talqysynda málim bolǵanyndaı, S.Qanatov bıylǵy 6-14 maýsym aralyǵynda Astana qalasy, Aqmola, Qaraǵandy oblystary aýmaǵynda iri kólemde, ıaǵnı 72,69 gramm keptirilgen marıhýana satyp alyp, Atbasar-Aqtóbe baǵytyndaǵy poıyzben, sodan keıin avtokólikpen Oralǵa, Ların kóshesi boıyndaǵy 4-úıden jalǵa alǵan №27 páterge jetkizgen. Sodan keıin burynnan tanys G.Abbasovqa esirtkini basqa adamdarǵa satýdy usynǵan. Muny qup alǵan G.Abbasov óziniń tanysy ıÝ.Sergeevpen kelisken.
Qylmystyq is-áreketterin jalǵastyrǵan S.Qanatov 26 maýsym men 2 shilde aralyǵynda atalǵan jerlerden 5732,59 gramm marıhýana satyp alyp, ony da Oralǵa jetkizgen. 3 shilde kúni shamamen saǵat 12.30-da QR UQK BQO boıynsha departamentiniń qyzmetkerleri S.Qanatovtyń turǵan páterin tintken kezde asa iri kólemdegi atalǵan esirtki tabylyp, tárkilendi.
Budan basqa S.Qanatovtan alǵan salmaǵy 2,25 gramm, sirińke qorabyna salynǵan marıhýanany G.Abbasov pen ıÝ.Sergeevtiń satý maqsatymen «Hyundai Elantra» avtokóligimen alyp júrgeni de anyqtaldy.
