Oralda «Hýtorok» dámhanasy órtendi
ORAL. QazAqparat - Oralda «Hýtorok» dámhanasy órtendi, dep habarlaıdy QazAqparat tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, Chagano-Naberejnaıa kóshesi 78/1 mekenjaıynda ornalasqan kafeniń janyp jatqany jóninde 27 maýsym kúni saǵat 21.25-te habar túsken.
Saǵat 22.02-de oqshaýlanǵan órt aýmaǵy 290 sharshy metrdi qamtydy.
Aldyn ala málimet boıynsha ot elektr quraldaryn paıdalaný kezinde órt qaýipsizdigi erejesin saqtamaýdan shyqqan.
Órtti sóndirýge 32 qyzmetker, 9 tehnıka qatysty.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jedel járdem saǵat 21.35-te shaqyrtyldy. Oqıǵa ornyna qos birdeı brıgada jetti.
Orta dárejede gazben ýlanǵan 1971 jylǵy áıel qalalyq kópbeıindi aýrýhanaǵa jetkizildi.
