Oralda halyqtan 8 mln-ǵa satyp alynǵan qarýlar balqytylyp jatyr
ORAL. QazAqparat - «KazArmaProm» AQ zaýytynda 106 qarý balqytyldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen alynǵan málimetke qaraǵanda, sonyń ishinde 88 ańshy myltyǵy, 15 gazdy tapansha, 1 sholaq myltyq, 1 travmatıkalyq jáne pnevmatıkalyq tapansha balqytý peshine tústi.
Sondaı-aq 7 elektroshoker, 2 pyshaq, 1 balta men ara da bar. Bular - tárkilengen, sonymen qatar turǵyndar óz erkimen tapsyrǵan jáne tabylǵan qarýlar.
Balqytylǵan qarýdan 180 kg metall alyndy.
Arnaıy komıssııa qarýdyń joıylǵany jóninde akt jasady.
Eske sala keteıik, turǵyndardan qarý satyp alýǵa ótken jyly respýblıkalyq bıýdjetten BQO-ǵa 8 mln astam teńge bólinse, bıyl 5 mln astam teńge qaralyp otyr.
Bıyl bul shara óńirde 10 sáýirde bastaldy. Tapsyrylǵan, oǵan qosa tárkilengen qarýlar joıylyp otyrylady.
