Oralda GAZel júk kóligi janyp ketti

ORAL. QazAqparat – Oral qalasynda «GAZel» júk kóligi janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 1 naýryz kúni Abaı dańǵyly boıynda boldy.

«Saǵat 09.27-de «Sıtı tsentr» saýda úıi mańynda «GAZel» avtokóligi otqa orandy. Órt sóndirýshiler kelip jetkende, júk kóliginiń motor bóligi men salony janyp jatqany anyqtaldy. Avtókólik gazben jabdyqtalmaǵan. Zardap shekkender joq. «Tilsiz jaý» saǵat 09.40-ta aýyzdyqtaldy. Órt avtomobıldiń tehnıkalyq isten shyǵýynan tutanǵan. BQO TJ departamenti júrgizýshilerge óz kóliginiń tehnıkalyq jaı-kúıin muqııat qarap, órt qaýipsizdigi erejesin saqtaý kerektigin eske salady», dep habarlady vedomstvodan.

Aıta keteıik, jyl basynan beri osymen óńirde 17 avtokólik órtendi.