Oralda gazdyń jarylýynan turǵyn úıde órt boldy, 4 adam zardap shekti
ASTANA. 5 qarasha. QazAqparat - 4 qarasha kúni saǵat 11.45-te Oraldyń Jaqsyaýyl shaǵynaýdanyndaǵy jekemenshik turǵyn úıde tabıǵı gazdyń jarylýy bolyp, artynsha tóbe jabyndysy órtene bastady.
QR TJM-niń baspasóz qyzmetinen habarlanǵandaı, jalyn órt sóndirý qyzmeti kelgenge deıin sóndirildi. Tilsiz jaýdyń saldarynan túrli deńgeıdegi kúıik jaraqattaryn alǵan 18 jáne 17 jastaǵy úsh qyz ben 50 jastaǵy áıel aýrýhanaǵa jetkizildi.
Órt ornyna Batys Qazaqstan oblysy boıynsha órtke qarsy qyzmetiniń 7 adamy men 2 tehnıkasy shyqty.
