Oralda gazdan ýlanǵan ana men 5 bala aýrýhanaǵa jatqyzyldy

ORAL. KAZINFORM — Oral qalasynda bir otbasynyń balalary gazdan ýlanǵan degen aqparat tarady.

BQO densaýlyq saqtaý basqarmasynyń naqtylaýynsha, oqıǵa 18 jeltoqsan kúni boldy.

Qazirgi ýaqytta bir úıdiń bes balasy Zachagan kentindegi oblystyq kópbeıindi balalar aýrýhanasynda jatyr. Olardyń jaǵdaıy dárigerlerdiń baqylaýyna alynǵan.

— Balalardyń anasy qalalyq kópbeıindi aýrýhanada em alýda. Jaǵdaıy ortasha aýyr. Olardyń bári de tabıǵı gazdan ýlanǵan, - dep habarlady vedomstvodan. 

Eske sala keteıik, budan buryn dárigerdiń balalardy vaktsınatsııadan der kezinde ótkizýdiń mańyzy zor ekeni týraly aıtqanyn jazǵan bolatynbyz.