Oralda gazdan ýlanǵan 58 jastaǵy er adam kóz jumdy
ORAL. QazAqparat – Oralda gazdan ýlanǵan er adam qaza tapty, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkendeı, oqıǵa 31 qańtar kúni 1 saıajaı aýdanynda «Elochka» saıajaı qoǵamdastyǵynda bolǵan.
Jedel járdem saǵat 15.50-de shaqyryldy.
1963 jylǵy er adam jedel járdem kelgenge deıin kóz jumdy. Gazdan ýlanǵan 1995 jylǵy er adam qalalyq kópbeıindi aýrýhanaǵa jetkizildi.
Jeńil dárejede gazdan ýlanǵan 1997 jylǵy qyz aýrýhanaǵa jatýdan bas tartty.
BQO TJ departamenti bolǵan oqıǵany rastap, mán-jaıy naqtylanyp jatqanyn jetkizdi.
Eske sala keteıik, budan buryn Oralda jeke turǵyn úı órtengenin jazǵan bolatynbyz.
