Oralda gaz jarylysynan zardap shekken áıeldiń jaǵdaıy aýyr
ORAL. QazAqparat - Oraldaǵy turǵyn úıde gaz jarylysynan zardap shekken júkti áıeldiń jaǵdaıy aýyr, dep habarlaıdy «QazAqparat» tilshisi.
BQO densaýlyq saqtaý basqarmasy basshysynyń orynbasary Nurdanat Berkinǵalıulynyń aıtýynsha, denesin 85 paıyz kúıik shalǵan, boıynda jeti aılyq sábıi bar áıel burynǵysynsha oblystyq aýrýhananyń jansaqtaý bóliminde. Jaǵdaıy aýyr bolǵandyqtan, ony sanavıatsııamen tasymaldaýǵa kelmeıdi. Almaty ne Astanadan arnaıy maman kelmekshi.
«Basqa zardap shekken adamdar ambýlatorııalyq em alý úshin úılerine jiberildi», dedi N. Berkinǵalıuly.
Eske sala keteıik, 18 qarasha kúni saǵat 09.58 shamasynda Oralǵa qarasty Zachagan kentindegi turǵyn úıde gaz-aýa qospasynyń jarylysy bolyp, alty adam zardap shekken edi.
