Oralda gaz jarylysynan zardap shekken áıeldiń ishtegi sábıi shetinep ketti
ORAL. QazAqparat - Oraldaǵy turǵyn úıde gaz jarylysynan zardap shekken áıeldiń sábıi kóz jumdy, dep habarlaıdy «QazAqparat» tilshisi.
BQO densaýlyq saqtaý basqarmasy basshysynyń orynbasary Nurdanat Berkinǵalıulynyń aıtýynsha, jeti aıdan asqan sábı ishte jatyp, shetinegen. Áıeldiń jaǵdaıy asa aýyr bolǵandyqtan, kesir tiligimen alýǵa da bolmaıtyn edi. Sondaı-aq ony sanavıatsııamen Astanaǵa tasymaldaý da múmkin emes. Al Almaty ne Astanadan arnaıy maman kelmeýi yqtımal. Biraq telemedıtsına boıynsha keńesin beredi.
Eske sala keteıik, 18 qarasha kúni saǵat 09.58 shamasynda Oralǵa qarasty Zachagan kentindegi turǵyn úıde gaz-aýa qospasynyń jarylysy bolyp, alty adam zardap shegip, sonyń ishinde 37 jasar áıeldiń denesin 85 paıyz kúıik shalǵan edi.
