Oralda gaz jarylysynan eki adam zardap shekti
ORAL. QazAqparat - Keshe Oral qalasyndaǵy turǵyn úıde gaz jarylysynan eki adam zardap shekti, dep habarlaıdy «QazAqparat» tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, 17 jeltoqsan kúni saǵat 13.47-de Dostyq dańǵyly boıyndaǵy bes qabatty 162-úıdiń №1 páterinde syıymdylyǵy 220 gramm gaz-aýa qospasy jarylǵan. Sonyń saldarynan sol páterdiń esik-terezeleri julynǵan. №2 páterdiń kireberis esigine de zaqym kelgen.
Kúıik jaraqatyn alǵan 1986 jylǵy er jáne 1992 jylǵy áıel adam aýrýhanaǵa jatqyzyldy.
Oqıǵa ornyna jeke quramnan 11 adam, 3 tehnıka bardy.
Qazirgi kezde oqıǵanyń mán-jaıy anyqtalý ústinde.
Eske sala keteıik, bıylǵy 18 qarasha kúni Oralǵa qarasty Zachagan kentinde turǵyn úıdegi gaz jarylysynan 37 jasar Áselim Nyǵmetova 85 paıyz kúıik jaraqatyn alǵan bolatyn. Ol búginde Samara qalasyndaǵy N.Pırogov atyndaǵy №1 qalalyq klınıkalyq aýrýhananyń №11 kúıik jaraqaty bólimshesinde emin jalǵastyrýda.
