Oralda gaz aýa qospasy jarylyp, er adam kúıik jaraqatyn aldy
ORAL. QazAqparat – Oralda gaz aýa qospasy jarylyp, er adam kúıik jaraqatyn aldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 19 qarasha kúni saǵat 05.58-de «Jańa orda» shaǵynaýdanyndaǵy 5 qabatty úıde boldy.
Tórtinshi qabattaǵy páterde gaz aýa qospasy jarylyp, 1994 jylǵy er adam kúıik jaraqatyn aldy. Ol qalalyq kópbeıindi aýrýhanaǵa jetkizildi.
«Atalǵan turǵyn moınynan, qolynan, keýdesinen 30-31 paıyz kólemde úshinshi dárejeli kúıik jaraqatyn alǵan. Ol anasymen birge páter jaldap turǵan. Oqıǵa bolǵan kezde anasy úıde bolmaǵan. Qazirgi kezde oqıǵanyń mán-jaıy anyqtalyp jatyr», dedi departament bastyǵy Ernur Ótegenov óńirlik kommýnıkatsııalar qyzmeti alańynda ótken brıfıngide.
BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, 30-35 paıyz kúıik jaraqatyn alǵan er adamnyń jaǵdaıy aýyr.
Eske sala keteıik , budan buryn Oralda Franfýrttan ushyp kelgen 60-tan astam jolaýshy evakýatsııalanǵanyn jazǵan bolatynbyz.
