Oralda garajdyń órtenýi: Eki máıittiń tulǵasy anyqtaldy, úshinshisi zerttelip jatyr
ORAL. QazAqparat – BQO polıtsııa departamenti Oral qalasynda garajdyń órtenýinen qaıtqan adamdar jóninde aıtyp berdi, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen málim etkenindeı, oqıǵa ornynan tabylǵan úsh adamnyń ekeýiniń kim ekendigi anyqtaldy.
«Olar – 1982 jylǵy áıel jáne 2002 jylǵy er adam. Taǵy bir er adamnyń jeke basy anyqtalý ústinde. 21 jastaǵy er adam garajdy jalǵa alyp, jumys istegen. Marqumdardyń máıitteri sot-medıtsınalyq saraptamaǵa jiberildi», dep habarlady vedomstvodan.
Eske sala keteıik, budan buryn Oralda órtengen garaj ornynan úsh adamnyń máıiti tabylǵanyn jazǵan bolatynbyz.
