Oralda garajdaǵy órtten áıel adam kóz jumdy
ORAL. QazAqparat - Oralda garaj órtenip, áıel adamnyń múrdesi tabyldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 15 qańtar kúni saǵat 23.15-te M.Sholohov kóshesi, 50/1-mekenjaıynda boldy.
«Pobeda» garaj kooperatıvinde aýmaǵy 40 sharshy metrdi qamtyǵan garaj otqa oranǵan. Órt ornynan áıel adamnyń múrdesi tabyldy.
«Tilsiz jaýdy» aýyzdyqtaýǵa 12 adam, 4 tehnıka jumyldyrylyp, saǵat 00.43-te tolyq sóndirildi.
Oqıǵa ornynda Oral qalasy TJ basqarmasy qyzmetkerleri men órt sóndirý qyzmetiniń órtti zertteý zerthanasy jumys istedi.
Órttiń sebebi men kinálilerdi anyqtaý úshin materıal polıtsııaǵa tapsyryldy.
Eske sala keteıik, budan buryn Oralda kópqabatty úıdegi órtten 14 adam evakýatsııalanǵanyn jazǵan bolatynbyz.
